Elliði Vignisson er réttur maður á réttum stað. Spilar á staðarrembu, sem er illvígari í Vestmannaeyjum en annars staðar. Tökum hann á orðinu, losnum við Eyjar. Veitum eyjapeyjum sjálfstæði. Losnum við sífellt væl um, að þeir séu hýslar og Reykvíkingar séu sníklar. Það á nefnilega að kosta eitthvað að vera sífellt að gæla við firruna um, að Vestmannaeyingar séu betri og merkilegri en aðrir. Losum okkur við byrðar af ferjunni, flugvellinum og jag Johnsens um göng til Eyja. Látum þá hafa fiskinn, svo framarlega sem hann er ekki veiddur í fiskveiðilögsögu afgangsins af Íslandi. Leyfum Elliða að skaka kringum Eyjar.
