Vonandi verður engin vika eins og þessi martröð. Malta missti sjálfstæðið. Svíþjóð, Danmörk og Finnland urðu líka ósjálfstæð. Grænland þurfti enn einu sinni að hafa fyrir að koma sér úr Evrópusambandinu. Lögð var fyrir alþingi þingsályktun um, að þingmenn hefðu framið stjórnarskrárbrot. Í ljós kom, að kosningaloforð eru bara hugleiðingar, öðru nafni skoðanir, sem maður skiptir um eins og föt. Einnig kom í ljós, að á loforðum eru huldir varnaglar. Meðan 82% heimta að fá að kjósa um aðildarviðræður og tugþúsundir taka þátt í undirskriftasöfnun, þá er bara sagt: „So what“ (étið það, sem úti frýs).
