Ef Sigmundur Davíð getur hvílt sig frá daðri við þjóðrembu, má hann gjarna reyna að koma taumhaldi á Vigdísi Hauksdóttur. Að endemum er hún frægasti alþingismaðurinn. Fræg fyrir afspyrnu vont málfar. En nú síðast sakar hún fjármálaráðherra um að hygla ættingjum sínum í kaupum á Júnkaragerði og Kalmanstjörn. Hið sanna er, að allt kaupverðið rennur til Reykjanesbæjar til að bjarga sveitarfélaginu frá gjaldþroti. Vigdís er ævinlega mjög fljót til æsings og er engin skrautfjöður Framsóknar. Raunar á hún mestan þátt í hnignandi virðingu Alþingis. Sigmundur Davíð þarf að fara að sussa á hana.