Al Jazeera er bezta fréttastofan í heimi múslíma, enda hötuð af Bandaríkjastjórn, sem hefur ítrekað reynt af harðfylgi að fá furstadæmið Katar til að loka henni. Henni hefur tekizt að henda henni út úr Írak til að koma í veg fyrir réttar fréttir þaðan. Nú segir Steven R. Weisman í New York Times, að Katar sé að undirbúa sölu stöðvarinnar. Þetta er mikið alvörumál, því að 30-50 milljónir manna nota Al Jazeera til að fá áreiðanlegar fréttir frá átaka- og óróasvæðum í þessum heimshluta. Þær hafa valdið sárindum Bandaríkjaforseta og harðstjóra í Egyptalandi og Sádi-Arabíu, Sýrlandi og Íran.
