Kvótagreifinn Hinrik Kristjánsson eyðilagði Flateyri, þegar hann seldi 90% kvótans úr bænum. Hann fluttist suður með milljarðana. Síðan hefur Flateyri ekki borið sitt barr. Flokksbræður Hinriks halda þó uppi merki hans með því að kenna ríkisstjórn og Byggðastofnun um hrunið. Flateyringar súpa seyðið af að hafa látið kvótagreifa stjórna sér árum saman. Trúa enn á græðgispólitík hans. Svo fagna Flateyringar núna, þegar víðfrægur kennitöluflakkari hyggst bjarga málum. Hefur góða reynslu af tuttugu gjaldþrotum. Byggðastofnun sagði auðvitað stopp, því hún neyðist núna loksins til að vernda peningana okkar.
