Þunnar eru varnir sýslumannsins í Reykjavík fyrir ásökunum um, að fulltrúar embættis hans kunni ekki meðferð nauðungaruppboða. Hann fer í manninn, formann löggufélagsins, af því að sá hafði varnagla á gagnrýni sinni. Samt sést ljóst á myndbandi, að sadisti sýslumanns lætur viðgangast, að lögmaður banka hafi ekki nauðsynleg gögn meðferðis. Sadistinn tekur bara allt trúanlegt, sem lögmaður bankans fullyrðir og umgengst uppboðsþola með skætingi og hroka. Slíka lögleysu þarf auðvitað að rannsaka og eyða með öllu. Ófært er, að embætti sýslumanna brúki sadista, sem hafa unun af því að sparka í þá, sem minnst mega sín.
