Fer Hofsvallagötu daglega vegna Melabúðarinnar. Sé aldrei umferðarteppu og er sáttur við breytingarnar. Vildi þó tvær akreinar á Hofsvallagötu stuttan kafla sunnan Hringbrautar. Bílar, sem eiga að beygja til vinstri, tefðu síður þá, sem eiga að beygja til hægri. Og bílar, sem þurfa að beygja af Hofsvallagötu austur Víðimel, þyrftu síður að fara gegnum biðröð. Svona smá-aukahugsun, eins og vantaði við færslu gangbrautar við Þjóðminjasafnið. Gott er, að skrautlegt götumálverk, fánar og fuglabúr raski ró Mela-íhaldsins. Fugla vantar samt, fáið raf-fugla til að syngja lævirkjaaríur og kanaríseiði.
