Siðanefnd vísindaráðs danska ríkisins undir forsæti dómara úr hæstarétti Danmerkur hefur áminnt tölfræðinginn Bjorn Lomborg fyrir frjálslega meðferð staðreynda. Skýrsla siðanefndarinnar segir, að bók hans um gott ástand umhverfismála í heiminum sé kerfisbundið einhliða og nái ekki staðli góðra vinnubragða í vísindum. Lomborg hefur um nokkurra ára skeið verið dýrlingur sumra hægrisinnaðra öfgahópa og samtaka á borð við Fiskifélag Íslands, sem gaf hann út á íslenzku sællar minningar. Í fyrra birti Scientific American langa og harða gagnrýni á bók hans. Frá þessu segir Andrew C. Revkin í New York Times í dag.
