Alltaf er fyndið, þegar menn gefa sér frí frá laxveiðum til að væla, hversu bágt þeir eiga. Geta ekki borgað af fína húsinu sínu, sem þeir byggðu upp á fjörutíu milljónir í skuld. Það er orðið ofursetið skuldum. Ætli Bubbi hafi farið á jeppanum úr laxveiðinni? Tryggvi Þór Herbertsson sagði í sjónvarpinu um daginn, að þjóðin yrði að hugsa um Bubbana sína. Þessa, sem stungu sér á bólakaf í neyzlukapphlaup. Hugmynd Tryggva Þórs og allra Framsóknarmanna er, að afastrákarnir mínir eigi fyrir rest að borga allt þetta Bubba-rugl. Af hverju fá Íslands æðibunumenn ekki að fara á hausinn eins og í gamla daga?
