Hin kostumprýdda þjóð mun verja næsta ári í hliðstætt IceSave rugl og fyrri ár. Þeir, sem ekki kunna að meta InDefence og Advice, verða áfram sakaðir um landráð. Geir H. Haarde verður píslarvottur ársins 2012 eins og 2011. Næsta ár verður árið, þegar hugtakið Hið svokallaða hrun nær fótfestu á tungunni. Alþingismenn munu áfram telja hálftíma hálfvitanna vera frábæra aðferð til að kynna þjóðinni greind sína og þor sitt. Áfram heldur sama þróun og 2011. Kostumprýddir munu árið 2012 flykkjast til Boston til að kaupa iPod, iPhone, iPad og iPhony. Milli þess sem þeir kvarta um, að hér sé allt að fara fjandans til. Gleðilegt ár!
