Forstjóri Sjúkratrygginga hefur sjúklega þörf fyrir að gæta hagsmuna gráðugra pilsfaldakapítalista. Steingrímur Ari Arason færði Ásdísi Höllu Bragadóttur tekjur af „sjúkrahóteli“ með engri þjónustu. Landsspítalinn taldi gerninginn ekki uppfylla þarfir spítalans fyrir eftirmeðferð. Samt hélt Steingrímur Ari áfram að sóa fé skattgreiðenda í sjúkrahótel Ásdísar Höllu. Nú hefur hún sagt samningnum upp og vill græða meira. Fá nýjan langtímasamning í tæka tíð fyrir brotthvarf trylltrar stjórnar pilsfaldakapítalista. Ásdís Halla er svo gróf, að hún segir rústir Albaníu vera ljósárum á undan Íslandi í heilsustefnu.

Var að skoða myndir Dags B. Eggertssonar á fésbók af heimsendum mat gamlingja í Reykjavík. Hann lét senda sér slíkan mat í viku. Af myndunum sýnist mér heimsendur matur gamlingja í Reykjavík vera mörgum gæðaflokkum ofar heimsendum mat gamlingja á Seltjarnarnesi. Það er samkvæmt reynslu okkar hjóna í nokkrar vikur í lok síðasta árs. Á Nesinu er maturinn frá einkafyrirtæki, Veislunni, en í Reykjavík frá borgareldhúsi. Gáfumst upp á að kaupa fyrrnefnda matinn. Er ekki hægt að semja við Reykjavík um matinn og fá margfalt lystugri mat fyrir sama pening? Kannski er opinber rekstur lystugri og ódýrari en einkarekstur.

Vísindamaðurinn Stephen HAWKING spáir endalokum mannkyns á jörðinni. Í fyrsta lagi er kjarnorkuváin komin aftur. Geðbilaðir pólitíkusar hrista bombur eins og í kalda stríðinu. Fólk af tagi Donald Trump er til alls víst. Í öðru lagi veldur hlýnun jarðar ýmsum veðurfarsöfgum, stórflóðum, fellibyljum, þurrkum og breyttum hafstraumum. Stóri fundur pólitíkusa í París var prump, sló ekkert á vandann. Í þriðja lagi valda erfðabreyttar veirur síauknum óskunda, sem lyfin ráða ekki við. Hawking telur þessi þrjú atriði magnast. Reynt verði að stofna nýtt mannlíf á fjarlægri jörð. Til að eyðileggja hana líka, vil ég bæta við.

Primera Air, fyrirtæki Andra Más Ingólfssonar í Heimsferðum, rak 31 íslenzkan flugliða. Réði grískt fólk hjá starfsmannaleigu í svindlparadísinni Guernsey. Flugfreyjurnar fá 50.000 krónur á mánuði. Samræmist ekki íslenzkum lögum. Því er Andri Már að flytja höfuðstöðvar félagsins til Lettlands. Þar hefur félagið samt ekkert flug. Andri Már tekur ekkert mark á kvörtunum farþega og greiðir ekki lögbundnar bætur fyrir seinkanir. Allir þurfa að sækja sinn rétt með þreytandi málaferlum. Samt selur Úrval/Útsýn í þessar glæfraferðir og neitar svo allri ábyrgð á óðum flugrekanda. Í alvörulandi væri skrúfað fyrir Primera.

Hér var löngum fjölmenning. Öldum saman var Kaupmannahöfn höfuðborg Íslands. Þar bjuggu menntamenn og pólitíkusar þjóðarinnar og þar lifði íslenzk tunga. Síðustu áratugi fluttist hingað fólk af margs konar þjóðerni. Auðgaði okkur með fjarlægum siðum, fjarlægri menningu og fjarlægum mat. Á síðustu árum hefur borið á annarri fjölmenningu í nágrannalöndunum. Felst í jafnstöðu miðalda við veraldarhyggju vesturlanda. Felst í karlrembu, sharia og ýmsum fleiri ósiðum úr forneskju Arabíu. Sú fjölmenning dó í Köln um áramótin. Við höfnum slíkri fjölmenningu aftan úr miðöldum, en höldum fast í gömlu og góðu fjölmenninguna.

Heilsukerfið verður lagfært upp í 11% af þjóðarútgjöldum með einfaldri aðgerð. Með auðlindarentu. Það þýðir uppboð allra veiðileyfa, allan fisk á markað og frjálsar handfærafæraveiðar gegn auðlindarentu. Síðari auðlindarenta á orku og stóriðju leysir svo fjárhagsvanda menntunar. Auðlindarenta á ferðaþjónustu leysir samanlagðan annan vanda. Ástæðulaust er að tala um að ná peningunum með afnámi fæðingarorlofs. Hrun heilsukerfis og menntakerfis stafar af fríðindum þeirra, er nærri ókeypis misnota auðlindir þjóðarinnar. Brynjar Níelsson getur lagt til, að fæðingarorlof verði afskaffað, en það er algerlega hans einkaböl.

Fylgi flokkanna er loksins komið í þolanlega stöðu. Bófaflokkarnir samtals með 30% fylgi. Fara ekki lægra vegna víðtækrar heimsku fólks. Skrímslið sjálft er komið niður fyrir 20% og lygarinn nálgast eins stafs tölu. Fyrir kosningar mun sá síðari lofa að dreifa stöðugleikaframlaginu til fávita, krækja í extra 5%. Eftir kosningar reynist það innantómt, hvað annað? Eini flokkurinn, sem rýfur pólitísku hringekjuna, er kominn upp undir 40%. Píratar munu koma samfélaginu í íbúðarhæft ástand. Hitt er bara fortíð og drasl. Hafi þjóðin úthald fram í kosningar, má vænta endurreisnar eftir kosningar, betri tíðar með blóm í haga.

Kosningabarátta bófaflokkanna er hafin. Hvor um sig er að framleiða sérstöðu, sem komi að gagni í næsta slag. D hristir hausinn yfir húsnæðisfrumvörpum B og B hristir hausinn yfir ákefð D í sölu Landsbankans. Dregur úr getu bófanna við að ná fram á alþingi margvíslegum skemmdum á samfélaginu. Líklega munu næstu fjárlög einkennast af, að dregið verði í land í ofsóknum á hendur þjóðinni. Á hendur Landspítala og Ríkisútvarpi, skólum og heilsugæzlustöðvum, elliheimilum og hjúkrunarheimilum. Bófar vilja þá sízt verða berir að þjónustu við þá allra ríkustu á kostnað þeirra fátækustu. Innra stríð bófaflokkanna er ánægjulegt.

Reykjavíkurborg rekur skoðanakúgun að sænskri fyrirmynd. Vill þagga vanda, sem tengist jafnstöðu miðalda frá Arabíu við veraldlega hugsun. Því njósnar hún um skoðanir borgarstarfsmanna til að finna frávik frá miðaldadýrkun. Forskriftin er upp úr sögu Orwell, 1984. Hinum seku er vísað á rétta braut með fortölum og heilaþvotti. Félagsleg rétthugsun lætur ekki að sér hæða. Nú hafa atburðir í Vestur-Evrópu um áramótin drepið rétttrúnaðinn. Í ljós kemur, að lögregla og fjölmiðlar í mörgum Evrópuríkjum þagga ótíðindi af hinum nýju miðöldum heima fyrir. Njósnir Dags B. Eggertssonar koma of seint. Nýjar miðaldir deyja samt.

Greiðslur Sjúkratrygginga til sérgreinalækna á einkastofum þrefölduðust frá aldamótum, meðan greiðslum til Landspítalans var haldið niðri. Á því tapaði ríkið fimm milljörðum á ári, auk þess sem greiðslur sjúklinga jukust um tvo milljarða á ári. Niðurskurður spítalans heldur áfram árið 2016. Markvisst er stefnt að því, að fátækir sitji á hakanum, en vel stæðum veitt full þjónusta gegn aukagjaldi. Ameríkanísering heilsunnar. Vestanhafs er heilsukostnaður tvöfaldur á við Vestur-Evrópu, en þjónar samt bara hálfri þjóð. Einkavæðingin er núna sprungin að sinni, því ríkið hefur ekki ráð á enn meira græðgissukki.

Börnum, sem líða skort, fjölgar ört á Íslandi. Fjölþjóðastofnanir taka eftir því, þótt Íslendingum sé sama. UNICEF, barnastofnun Sameinuðu þjóðanna, hefur birt skýrslu um ástandið. Þar kemur fram, að tíunda hvert barn á Íslandi líður skort. Tíunda hvert barn. Mestur er skorturinn á húsnæði og hefur sá skortur aukizt hratt. Úr 8,9% í 13,4%. Stafar af, að lágtekjufólk hefur hvorki efni á að kaupa eða leigja þak yfir höfuðið. Neyðist til að hírast í kompum. Þetta eiga allir að vita, en fólk neitar að sjá, það er of óþægilegt. Fjölmennastar í fátæka hópnum eru fjölskyldur ungs fólks, sem neyðast svo til að flýja land.

Steinþór Pálsson segist ekki hafa séð fyrir þær breytingar, sem urðu á markaði korta eftir söluna á Borgun til Engeyinga. Banksterinn er þá sá eini í heimi, sem var svo heimskur. Salan var framin bakvið luktar dyr. Líklegra er, að hann hafi framið glæpinn í samráði við Engeyinginn í fjármálaráðuneytinu. Þar með gaf hann bófunum tuttugu milljarða af eigum þjóðarinnar. Situr samt ekki enn í gæzluvarðhaldi, enda eru bófaflokkarnir við stjórnvölinn. Og nú stendur til að selja hluta úr banka þjóðarinnar. Græðir of mikið og einkavæða þarf gróðann. Bófar hafa ekki lært neitt af hruninu. Gera þarf Steinþór og Bjarna landræka.

Gott að lesa þetta í frétt: „For­sæt­is­ráðherra sakaði á móti Pírata um að gera allt til þess að reyna að sprengja upp samstarfið í stjórn­ar­skrár­nefndinni.“ Píratar eru þannig helzta fyrirstaðan gegn ráðagerðum bófaflokkanna að bregða fæti fyrir stjórnarskrá fólksins. Að svo miklu leyti sem nefndarstarfið felst í þvergirðingi pírata, eru þeir hornsteinn varnarbaráttunnar. Hinn undarlegi formaður nefndarinnar hefur í hálft ár ítrekað fullyrt, að samkomulag sé í augsýn. Annars staðar fréttist, að ágreiningur sé um öll málsatriði. Brýnt er að stöðva allt, sem festir stöðu kvótagreifa í sessi. Við treystum pírötum.

Tímabært er að tryggja hagsmuni okkar af orkusölusamningi við Alcoa álver Rio Tinto í Straumsvík. Eigendur hótuðu að loka álverinu vegna kjaradeilu. Ríkið þarf að tryggja umsamdar greiðslur fyrir raforku, þegar Rio Tinto slekkur á kerunum. Einnig þarf ríkið að gæta hagsmuna starfsfólks, peða í ógeðsskák Rio Tinto. Höfum áratuga reynslu af því rugli. Álverið fær 18% af raforku okkar. Í staðinn fá yfirvöld að skattleggja starfsmenn álversins. Skrítinn díll. Stóra málið er að nota tækifærið til að skipta orkusölu yfir í rafbíla. Felur í sér margfalt hagstæðari viðskipti en niðurgreiðslur á orku til siðblindra álbófa.

Alla forsætistíð Sigmundar Davíðs hefur hann verið andvígur þjóðaratkvæði. Vill ekki þjóðaratkvæði um framhald viðræðna við Evrópusambandið. Vill ekki viðurkenna eða virða þjóðaratkvæði um nýja stjórnarskrá fólksins. Á sama tíma hefur hann ekki viljað taka umræðu um afnám eða bann verðtryggingar. Þingmenn kvarta sáran yfir fjarveru forsætisráðherra, þegar feimnismálið berst í tal. Svo umpólast hann allt í einu, þegar hann er sakaður um að svíkja loforð um afnám verðtryggingar. Stingur upp á, að þjóðaratkvæðagreiðsla leysi loforðið af hólmi. Alltaf er hann sami maður andartaksins eins og skopparakringlan.