Biðjast fyrir með bindi

Punktar

Heldur betur létu biskupinn og félagar fallerast á bænadegi hægra ofstækis. Þar var beðið fyrir harðari reglum gegn fóstureyðingum, en ekki fyrir konunum. Þar var beðið fyrir kvótanum og greifum hans, en ekki fyrir hinum, sem stolið er frá. Alls ekkert var minnst á hina smæstu, sem nú á að fara að stafla í gáma. Biskupinn yfir Íslandi tók þátt í þessu rugli án þess að gá að góðu jafnvægi bænarefna. Einnig falleraðist forseti Íslands, en það er svo algengt, að ekki tekur því að pirrast. Fyrir bragðið varð bænadagurinn að herhvöt öfgasinnaðra hægri farísea, sem fara í hvíta skyrtu og setja upp hálsbindi, er þeir hræsna.