Hér er opinbert eftirlit skorið niður til að auka svigrúm greifa. Hér móðgast ráðherra og fer hvergi, þótt hann margljúgi að öllum í sjónmáli. Hér er spítali allra landsmanna þvingaður í algert þrot. Hér magnast landflótti allra, sem sjá sér von í alvörukaupi í útlöndum, til dæmis lækna og hjúkka og vinnuvélastjóra. Hér er kastað hundruðum milljóna í tilflutning ríkisstofnana. Hér verða senn engar krabbameinslækningar. Hér er ósjálfbært lífeyriskerfi og tryggingastofnun reynir að ræna fé fátæklinga. Hér stela óðir lagatæknar öllu af skuldurum. Hér stjórnar snargalinn forsætisráðherra. Hér er ónýtt ríki í boði ónýtra kjósenda.
