Kaffistofa Pressunnar ber saman Álftanes og Ísland, gjaldþrota fyrirbæri. Eftirlitsnefnd sveitarfélaga leikur hlutverk Alþjóða gjaldeyrissjóðsins og ríkissjóður hlutverk Evrópusambandsins. Flottur samanburður frá orði til orðs. Fyrrum oddviti hreppsins er í sömu afneitun og fyrrverandi ríkisstjórn í víðara samhengi. Hefur allt á hornum sér, sakar utanhreppsaðila um vonzku. Vill ekki spara neitt. Er bara sami lúðinn og þjóðin sjálf. Gersamlega úti að aka í pólitík og neitar að borga. Álftanes er Ísland í hnotskurn. Fyrirlítur utanhrepps-stofnanir og biður þær jafnframt um að hjálpa sér.
