Nancy Pelosi, nýr þingforseti í Bandaríkjunum, er 66 ára. Harry Reid, nýr forseti öldungadeildarinnar, er 66 ára. Helzti bjargvættur repúblikana í næstu kosningum er álitinn vera John McCain, sem er 70 ára. Einn helzti þingleiðtogi demókrata er Robert Byrd, sem verður 89 ára í þessum mánuði. Robert Gates, sem var skipaður stríðsráðherra í síðustu viku, er 63 ára. Flest þetta fólk tekur við af yngri mönnum, sem að mati þjóðarinnar í kosningunum höfðu leitt Bandaríkin í ógöngur. Að vísu var einn helzti tapari kosninganna líka gamlingi, Donald Rumsfeld stríðsráðherra, 74 ára.
