“Vi vil købe Parken” görguðu þjóðrembdir Íslendingar á grægðistímanum fyrir hrun. “Við borgum ekki skuldir óreiðumanna”, garga þjóðrembdir Íslendingar eftir hrun. Íslendingar eru eins og Ólafur Ragnar Grímsson, skipta um kúrs í einu vetfangi. Voru beztir í braski fyrir hrun, en núna beztir í að hafna alþjóðlegu auðvaldi og umsátri. Sjáið bara kúvendingu Styrmis Gunnarssonar. Þjóðremba er vænleg til áhrifa hér á landi. Hálf þjóðin er þjóðrembd og ábyrgðarlaus að upplagi og uppeldi. Bráðum fáum við í kaupbæti sérstakan stjórnmálaflokk Sannra Íslendinga. Í anda Davíðs, Ólafs Ragnars og Styrmis.
