Páll Winkel fangelsismálastjóri hugsar ekki út fyrir boxið. Fyrir honum er fangelsi eitthvað, sem ríkið byggir. Sér ekki þann möguleika, að ríkið kaupi eða leigi í stað þess að byggja. Samt grætur hann yfir of litlu fangaplássi. Meðaljónum er ljóst, að kaup eða leiga jafngilda styttri afgreiðslufresti. Framkvæmdir taka langan tíma, en kaup eða leiga stuttan. Honum er bent á að kaupa vinnubúðir frá Kárahnjúkum. Þær rúma 50 fanga. Eða leigja tímabundið 200 manna fangaskip frá útlöndum. Eða leigja fangapláss erlendis. Svo er nóg af húsrými hér í landinu. Skortur fangarýmis stafar af rörsýni Páls Winkel.
