Samtök ungra bænda garga án raka samkvæmt íslenzkri umræðuhefð. Segja Þórólf Matthíasson prófessor fara með rangt mál um sauðfjárrækt. Samtökin útskýra hvorki í stóru né smáu, hvernig ummæli Þórólfs séu röng. Þau garga bara eins hátt og þau geta. Þannig er íslenzk umræða. Nokkrir reyna að útskýra með rökum og tilvísunum, hvað þeir eigi við. Þórólfur er einn af þeim. Þeir eru baulaðir niður. Flestir garga bara eins og Samtök ungra bænda. Mjög erfitt og tilgangslaust er að eiga orðastað við þessi frumstæðu öfl, sem bera enga virðingu fyrir rökum. Framámenn samtakanna skilja bara ekki, hvað rök eru.