Turnfræði ýmiss konar

Punktar

Turntízkan leikur matstaði grátt. Meðal tízkufyrirbæra í framreiðslu matar er að bera hann fram í turnum. Til dæmis pönnusteikt salat neðst, þar á ofan bakaðir kartöflustrimlar og efst kjöt eða fiskur. Þetta er turnatízka, sem við sjáum í byggingarlist loftbólufyrirtækja. Við sjáum hana líka í verðlausum eignarhaldsfélögum. Við sjáum hana í pólitíkinni, þar sem Blair-istar Samfylkingarinnar töluðu fjálglega um “tvo turna”. Þeir áttu við, að Samfylkingin styddi loftbólufyrirtæki ekki síður en Sjálfstæðisflokkurinn. Allir turnar hrynja, þegar hnífnum er stungið í þá. Undirstaðan er ótraust.