Með aðstoð Ríkisútvarpsins reynir Björgólfur Thor Björgólfsson að líkja sér við Thor Jensen. Anzi bratt tiltæki hjá einum helzta engli innrásarinnar og útrásarinnar. Björgólfur Thor er svo frábær pappír, að skrifaðar eru heilar jólabækur um meintar sjónhverfingar hans og siðblindu. Gabbaði andvaralausan Davíð Oddsson til að gefa sér Landsbankann. Með hræðilegum afleiðingum fyrir þjóðina. Kvikmyndin um hann og Thor Jensen framkallaði gæsahúð hjá sumum og aðhlátur annarra. Við öðlinginn Björgólf Thor Björgólfsson er aðeins hægt að segja eitt: Við könnumst við Thor Jensen. Þú ert enginn Thor Jensen.