Ólafur F. Magnússon talar um sjálfan sig í þriðju persónu. Bubbi Morthens talar um sjálfan sig í þriðju persónu. Eins og Velvakandi í Morgunblaðinu. Ég tók einu sinni þátt í að hjálpa manni, sem var orðinn truflaður af vandamálum. Hann talaði þá um sig í þriðju persónu. Það lagaðist, þegar honum batnaði. Æ síðan hef ég verið heillaður af fólki, sem stendur fyrir utan sjálft sig. Það horfir á sig og talar um sig eins og um einhvern Hann. Ég held ekki, að þetta sé beinlínis geðveiki. En notkun á þriðju persónu í stað fyrstu persónu er óhófleg og feikna óholl sjálfsmiðjun, egósentrismi.
