Forkastanlegt er lokað söluferli og önnur leyndarmál skilanefnda bankanna og annarra skiptastjóra. Tilraun skilanefndar Landsbankans til að velta stjórn Byrs er dæmi um þetta. Enginn fékk að vita um söluna á hlutafénu í Byr og augljóst var, að bankinn fjármagnaði hana. Því miður settu viðskiptaráðherra og forstjóri eftirlitsins kíkinn fyrir blinda augað. Það ýtir undir svipaða spillingu í skilanefndabransanum almennt. Fjárfestar kvarta um að fá ekki að vita um fyrirhugaða sölu eigna bankanna, aðeins útvaldir fái að vera með, jafnvel útvaldir framsóknarmenn. Ríkisstjórnin þarf að stöðva þetta rugl.
