Hagsmunasamtök heimilanna neita alveg að ræða fjármögnun tillagna um meiri afslátt af íbúðaskuldum. Þegar talið berst að þessu, fara talsmenn þeirra að tala um annað. Skárra væri þó að taka undir hugmynd um að láta Seðlabankann prenta fleiri seðla. Það er að minnsta kosti hugmynd að senda fólki seðla í pósti, þótt það sé ekki góð hugmynd. Einhver verður að borga brúsann fyrir rest. Fólk vill tæpast láta Landspítalann borga. Og hvorki skattgreiðendur né lífeyrisþegar vilja borga. Annað hvort yrði þó ríkið að spara meira eða hækka skatta; og lífeyrir mundi lækka. Allt kostar, líka sjónhverfingarnar.
