Landsfeður okkar, þeir Davíð og Geir, eru góðviðriskarlar. Þeir eru lakari, þegar blæs að norðan með hríð. Þá tvo vantar fræðinga til að gefa sér góð ráð gegn kreppum. Til dæmis Þorvald Gylfason prófessor og Jónas Haralz bankastjóra og Guðmund Ólafsson hagfræðing. Hver þeirra hefur sína línu og hver þeirra um sig er betri en núverandi stuttbuxna-ráðgjöf. Davíð og Geir eru fastir í sértrúarsöfnuði frjálshyggjunnar. Söfnuðurinn þótti fínn fyrir aldarfjórðungi, þegar blanda þurfti meiri markaðshyggju í velferðarhyggju Norðurlanda. Nú þarf ekki meira af frjálshyggju, hún var barn síns tíma.
