Samsæriskenning Agnesar Bragadóttur verður vinsæl. Snýst um, að samantekin ráð vestrænna seðlabanka hafi fellt bankana. Væntanlega er samsærið enn í gangi, Rússland og Norðurlönd fela sig að baki Alþjóða gjaldeyrissjóðsins. Þetta minnir á kenningar um morð Kennedy forseta og hrun tvíburaturnanna. Ætti að falla vel í geð þjóðar, sem kann vel að meta da Vinci lykilinn og kaleik undir Kerlingafjöllum. Með hverjum degi erfiðra gjaldeyrisviðskipta sem líður, fá samsæriskenningar byr undir báða vængi. Sumir túlka þetta sem smjörklípu Morgunblaðsins til að dreifa athygli frá innlendum terroristum.