Jóhanna getur ekki stýrt ríkisstjórn. Hún er illa löskuð. Svældi Ögmund burt með ótímabæru þvaðri um óþolinmæði sína. Til þess að geta lagt fram einróma stjórnarfrumvarp um deyfða fyrirvara Alþingis. Ég sé ekki, að slíkt frumvarp verði samþykkt. Jóhanna er búin að vera, þegar það kemur í ljós. Fyrirvarar Alþingis voru gluggi, sem opnaðist um tíma, en lokaðist aftur, þegar þeim var dauflega tekið erlendis. Í rauninni er enginn vilji hér á landi til að greiða IceSave. Ríkisstjórnin mun kannski lafa í bili, en án Ögmundar er hún lítils virði. Eftirlifandi ráðherrar eru himpigimpi í samanburði við hann.