Ofurmennin eru gengin aftur

Punktar

Fortíðin gerði sig heimakomna á Íslandi í gær. Michael Porter var mættur í Kastljósið og hvatti ofurþjóðina til sókndirfsku og áhættusækni. Jafnframt boðaði Hörður Arnarson ofurnýjar væntingar til orkusóknar. Hefur látið gamla snákaolíu-sölumenn í Gamma reikna út nýja himnasælu. Þar er Ásgeir Jónsson greiningarstjóri innsti koppur í búri. Munið þið eftir honum? Landsvirkjun er sögð geta tvöfaldað orkuöflun á tíu árum. Reisir aðra Kárahnjúkavirkjun í stærstu fossunum. Sennilega er hann að tala um Dettifoss og fyllir svo upp í loforðið með hjáveitu frá Gullfossi. Ofurmenni ársins 2008 eru gengin aftur.