Bók Alþjóðasambandsins um Kosovo leiðir í ljós, að fréttir frá Rupert Smith og félögum voru engu sannari en hinar ritskoðuðu fréttir frá Belgrað. Will King, ritstjóri CNN, sagði þetta í bókinni: “Ekkert hefur bent til, að ritskoðaðar fréttir, sem CNN sendi frá Belgrað, höfðuborg Serbíu, hafi verið vitlausari en falsanirnar, sem við fengum í hendur í aðalstöðvum Nató í Bruxelles. Við sýndum þjáningar Serba eins og við sýndum þjáningar Albana og annarra. Donald Trelford, ritstjóri Observer, segir, að Nató hafi beinlínis hrakið blaðamenn frá Kosovo, svo að þeir yrðu ekki vitni að afleiðingum stríðsglæpa Rupert Smith og félaga.
