Afrakstur Íslendinga af síldveiðum í Norðursjó er lítill og fer sífellt minnkandi. Útflutningstekjur okkar af þessum veiðum frá ársbyrjun og til septemberloka voru aðeins jafnmiklar og tekjur okkar af útflutningi grásleppuhrogna á sama tíma.
Morgunblaðið er samt í sífellu að reyna að koma því inn hjá þjóðinni, að síldveiðar okkar í Norðursjó séu gífurlega mikilvægar. Trúlega er markmið blaðsins fólgið í að koma inn hjá þjóðinni jákvæðu hugarfari í garð endurnýjaðra samninga við Breta um veiðar í íslenzkri fiskveiðilögsögu.
Meira raunsæi má sjá í brezka dagblaðinu Financial Times, sem birti ?. nóvember langa frétt um landhelgismálið. Meginniðurstaða fréttarinnar var sú, að Íslendingar hefðu í rauninni ekki um neitt að semja í fiskveiðideilunni, því að Efnahagsbandalagið hefði ekki upp á neitt að bjóða í staðinn.
Financial Times birtir tölur, sem sýna, að Bretar veiða ?% aflamagns síns á miðum Íslands og Noregs og að Vestur-Þjóðverjar veiða ?% aflamagns síns á þessum miðum, en að Íslendingar veiða ekki nema ?% aflamagns síns á miðum Efnahagsbandalagsins.
Blaðið spáir því, að samningaviðræður Efnahagsbandalagsins við Ísland muni af þessum ástæðum mistakast. Íslendingar muni vilja losna alveg við veiðiskip frá ríkjum bandalagsins. Og bandalagið hafi sáralítil svör við slíkum viðbrögðum Íslendinga.
Blaðið bendir á ofveiðina á Íslandsmiðum og telur, að ríkisstjórn Íslands hafi vart efni á mikilli gjafmildi gagnvart öðrum ríkjum. Fiskmarkaður Íslands sé þar á ofan mestur í Bandaríkjunum auk þess sem sölumöguleikar séu miklir Í Sovétríkjunum.
Athyglisvert er, að Financial Times telur líklegt, að Efnahagsbandalagið sé reiðubúið til að beita á nýjan leik þeim efnahagslegu þvingunum, sem voru í gildi gegn Íslandi til skamms tíma.
Þessi skoðun brýtur í bága við bjartsýni hinna íslenzku samningamanna, sem töldu á sínum tíma, að þessar þvinganir væru endanlega úr sögunni. En Financial Times segir líka, að hótanir um efnahagslegar þvinganir muni ekki hafa mikil áhrif á Íslendinga. Þeir hafi búið við slíkar þvinganir fram á þetta ár og viti því, að þeir geti búið við þær áfram, ef nauðsyn krefur.
Blaðið klykkir svo út með því að segja, að fái Bretar að veiða einhvern fisk Í náinni framtíð á Íslandsmiðum, þá sé það að þakka velvilja íslenzku ríkisstjórnarinnar Í garð Efnahagsbandalag!sins og bandamanna Íslands Í Atlantshafsbandalaginu.
Yfirlýsingar íslenzkra ráðherra Í þessum efnum hljóta að vekja nokkurn ugg. Þær eru ýmist tvíeggjaðar eða í átt til áframhaldandi gjafmildi í garð Efnahagsbandalagsins.
Jónas Kristjánsson
Dagblaðið
