Fjörutíu þúsund lögreglumenn gæta leiðtoga áttveldanna á Hokkaido í Japan. Tvöþúsund mótmælendum er haldið í margra kílómetra fjarlægð. Það gera tuttugu löggur á hvern mótmælanda. Tíu þúsund túrhestum hefur verið vísað burt. Ekki má trufla ímyndir fílabeinsturnsins um gott ástand í heiminum. Sextíu kokkar sjá um, að átta leiðtogum heimsins líði vel. Þeir tala um mengun og eitur, án þess að hafa Indland og Kína við borðið. Er þó Kína orðið meiri sóði en jafnvel Bandaríkin. Tilgangsleysi og úrræðaleysi áttveldanna á Hokkaido kosta japanska ríkissjóðinn fimmtíu milljarða króna.
