Heilagur Björgólfur Thor Björgólfsson stundar mælingar á vinsældum sínum í samanburði við aðra heilaga. Segir, að meira sé um sig fjallað í fjölmiðlum en um heilagan Jón Ásgeir Jóhannesson. Sérstaklega bendir hann á, að þrjátíu sinnum meira sé fjallað um sig á Stöð 2. Verðugt verkefni fyrir siðanefnd Blaðamannafélagsins er að skipuleggja betur jafnvægi milli hinna heilögu. Samkvæmt mælingum Björgólfs Thor eru fimm, sem skipa raðir hinna heilögu. fyrir utan þá vinina eru það Sigurður Einarsson, Hreiðar Már Sigurðsson og Pálmi Haraldsson. Önnur þekkt göfugmenni eru í hópi hinna minni spámanna.