Lætin í gær voru ekki bara lögregluóeirðir, heldur líka sjónvarpsóeirðir. Samkvæmt hljóðbita á útvarpi Sögu, sagði Lára Ómarsdóttir fréttamaður: „Ég gæti fengið einhvern til að kasta eggjum á meðan við erum læf.“ Þetta er ófyrirgefanleg hegðun blaðamanns, en því miður ekki einsdæmi. Flest ólæti, sem við sjáum í erlendum sjónvarpsfréttum, eru sjónvarpsknúin. Menn leika ólæti til að málefnið verði myndrænt fyrir sjónvarp. Það er einn helzti galli sjónvarps umfram aðra fréttamiðla, að það þrýstir sér frekt inn í rás atburðanna. Þannig verður það að geranda í fréttum. Á Norðlingaholti í gær.
