|
|
2010-03-18 Punktar
Átjándu aldar útgáfuferli
Hrunskýrsla sannleiksnefndarinnar er prentuð um helgar. Það segir allt, sem segja þarf um höfunda hennar. Plaggið er langt á eftir áætlun og samt bara prentað um helgar. Enda vita höfundarnir ekki, að komin er til sögunnar 21. öldin. Svona plögg upp á mörg bindi eru ekki lengur gefin út á prenti. Þau eru bara sett á vefinn. Útgáfa á vefnum gerir langt prentferli óþarft. Enga varðmenn þarf til að standa vörð dag og nótt um gám í Odda. Útgáfuferli skýrslunnar er bara rugl af hálfu höfundanna. Enda eru þeir átjándu aldar embættismenn einveldistímans, samanber Upplýsingalög Páls Hreinssonar.
|
|
|