Fréttastofa Stöðvar 2 þurfti ekki frekari vitnanna við. Ásgerður Guðmundsdóttir sagði DV hafa í sumum atriðum haft rangt eftir sér. Stöð 2 þurfti ekki að leita álits DV, þurfti ekki að hlusta á segulbandsupptöku hjá DV, þar sem fram kom, að hvert orð í viðtali DV við konuna var rétt eftir haft. Þar á meðal var heimiluð myndbirting og rætt um hvert smáatriði í birtingunni. Stöð 2 hefði þá komizt að raun um, að konan fór með rangt mál. En það hefði eyðilagt fréttina. Stöð 2 tók meðvitaða ákvörðun um að fara með rangt mál og leysti málið á sinn hátt, með kranablaðamennsku.
