Kjúklingur á skurðstofunni

Punktar

Frjálsleg er tryggð Krúska á Suðurlandsbraut við gróna stefnu grænmetisáts. Kjúklingaleggir voru réttur dagsins í hádegi á 1350 krónur. Verða harðir og seigir á tíu mínútum í hitakassa og þannig voru þeir á Krúska. Heitið er fínt, minnir á þjóðarrétt náttúrulækningamanna fyrir sextíu árum. Fæst samt ekki á Krúska. Kuldalega hannaður í skurðstofustíl. Baðflísar eru í löngu afgreiðsluborði. Og þér finnst, að staðurinn sé spúlaður á kvöldin. Bekkir undir gluggum gefa ekki stuðning við bak, þú situr sem piparjómfrú í kirkju. Í annað sinn var réttur dagsins sterk og góð lasagna með bragðsterkri sósu.