Katrín slátraði kvikmyndahátíð

Punktar

Alþjóðlega kvikmyndahátíðin í Reykjavík verður ekki haldin aftur. Ríkið og borgin og ferðaþjónustuaðilar missa af ótrúlegum tekjum, sem hafa verið af þessari vinsælu hátíð. Í sex mánuði reyndu aðstandendur hátíðarinnar að fá menntaráðuneytið að undirrita meðmælabréf með styrkbeiðni til Evrópu. Frá Evrópusambandinu hefur árlega komið mikill styrkur, sem hefur gert hátíðina kleifa. Ítrekaðar atrennur voru gerðar til að fá aðstoðarmann Katrínar Jakobsdóttur til að útvega stimpilinn. En hann er bara ómagi vinstri grænna úr háskóla og er óvinnufær. Málið dó á borði hans og Katrínar eins og annað.