Kári Stefánsson er ekki fínn pappír. Pilsfalda-kapítalisti, sem fékk Davíð Oddsson til að gefa sér einkarétt á heilsufarsskýrslum Íslendinga. Við lá, að hann fengi ríkisábyrgð þar á ofan. Brölt hans leiddi til, að fjöldi manna missti sparnað sinn. Hann gufaði upp í hlutabréfum deCode. Samt er Kári enn að rífa kjaft. Notar núna kúkabrandara smástráka. Segir Ögmund Jónasson ráðherra hafa gert í buxurnar og þurfa að nota bleyjur. Ástæðan er sú, að ráðherrann gaf fremur lítið fyrir ugg Kára um hugsanlegar njósnir Kínverja í deCode. Getur ekki Kári passað sjálfur gögnin sín og látið dónaskapinn vera?