Ég treysti ekki Jóhönnu og Steingrími. Hafa reynt að ljúga sig út úr vondum málum. Treysti ekki skilanefndarmönnum, er ráðherrar skipuðu. Hafa hagað sér eins og sukkvíkingar. Treysti ekki Fjármálaeftirlitinu. Það eltir blaðamenn í stað þess að elta sukkvíkinga. Treysti ekki Seðlabankanum. Þar er kominn stjóri, sem sukkar með gjaldeyri og reynir að staðfesta peningastefnu sína eftir á. Treysti ekki dómstólum landsins, allra sízt Hæstarétti. Þar eru pólitískt skipaðir dómarar og stíga margir ekki í vitið. Treysti hins vegar Evu Joly og Joseph Stiglitz, enda útlend. Vil fá þau í ríkisstjórnina.