Bush þakkaði ekki Halldóri Ásgrímssyni fyrir aðstoðina við að kúga Afgana og Íraka, heldur virti hann ekki viðlits, er Halldór reyndi að toga í öxl hans til að reyna að vera memm í Bruxelles. Í stað þess að fá mynd í Mogganum af þráðu augnsambandi við oddamann pyndinga, afnáms alþjóðastofnana og stríðs við náttúruna og fátæklingana, fær hann bara kostulega mynd í DV, er sýnir vel örvæntingu hins smáða vasaleiðtoga, sem er hafður að spotti fyrir að sukka með ráðningu sendiherra út um víðan völl í vonlausri ráðagerð um sæti í öryggisráði Sameinuðu þjóðanna.
