Peningavitringar kvarta yfir erlendum aðilum, sem geri atlögu að krónunni. Sigurður Einarsson hefur gefið þeim heiti. Þeir eru Trafalgar Fund, Cheney Capital, Landsdowne Fund og Ako Capital, allir í London. Svo er að skilja, að þetta séu ill fyrirtæki. En þau eru bara að vinna vinnuna sína í núverandi hagkerfi auðhyggjunnar. Samkvæmt henni eiga allir að skara eld að eigin köku. Og bezt gengur þeim, sem halda sig á gráa svæðinu við þá iðju. Löglegt er að kaupa og selja myntir í von um auð. Ef menn kvarta yfir aðför að vesælli krónu, eru þeir í rauninni að kvarta yfir auðhyggjunni sjálfri.
