Fráleitt er að kalla Gore loddara. Hann er fyrrverandi pólitíkus, sem er orðinn hugsjónamaður. Fráleitt er að bera núverandi skoðanir hans saman við nokkru lakari frammistöðu hans í pólitíkinni fyrir mörgum árum. Batnandi manni er bezt að lifa. Fráleitt er að krefjast þess að hann lifi núna eftir kenningunni. Á ég þá að borga álag á skattana, af því að ég held fram, að skattar hátekjufólks séu of lágir? Telja Gore-lastarar, að annars megi ég ekki hafa þessa skoðun? Hverslags bull er þetta? Undanfarið hefur Gore gert margt gott, ekki bara umhverfinu, heldur einnig í fjölmiðlun á vegum barna.
