Umboðsmenn lyfjarisa vara fólk þessa daga við fölsuðum lyfjum, sem seld eru í tölvupósti. Þeir segja alþjóðlega glæpahringi að baki. Við þurfum ekki á þessum hræðsluáróðri að halda. Við erum þegar í klóm alþjóðahringa á þessu sviði. Hinir löglegu lyfjaframleiðendur leyna hliðarverkunum fyrir notendum lyfjanna. Þeir stunda ólöglegar lyfjatilraunir á fólki í þriðja heiminum. Leggja meira í mútur til lækna og læknatímarita en í rannsóknir. Þeir læða fölsuðum greinum í læknatímarit. Sé alls engan eðlismun á glæpum svonefndra glæpahringa og á glæpum löglegra heimsrisa í lyfjagerð og lyfjadreifingu.
