Einkennisklæða-menúettinn

Punktar

Þrátefli Vítisengla og lögregluyfirvalda er bráðskemmtilegt. Krimmar ferðast um í auðþekktum einkennisbúningi og á auðþekktum farartækjum. Dúlla sér við svindl í milljónum. Meðan óeinkennisklæddir krimmar svindla í milljörðum og tugum milljarða, Björgólfsfeðgar í hundruðum milljarða. Lögreglan er líka einkennisbúin eins og Vítisenglar og er heltekin af áhuga á þeim. Stöðvar komu þeirra til landsins og hleypur sífellt í fjölmiðla. Krimmarnir þurfa að vera einkennisbúnir til að fanga athygli löggunnar. Haraldur Johannessen og Annþór Kristján Karlsson eru að stíga eins konar einkennisklæða-menúett.