Ríkið getur selt stofnanir sínar af tveimur ástæðum, annars vegar til að græða sem mestan pening og hins vegar til að láta samkeppni leysa ríkiseinokun af hólmi. Síminn selzt á hærra verði, ef einokunin fylgir, til dæmis grunnnetið. Formaður Framsóknarflokksins er auðvitað ekki hlynntur aukinni samkeppni í þágu neytenda og lítur því eingöngu á söluverðið. Þannig varði hann á flokksþingi Framsóknar þá ákvörðun, að grunnetið verði selt með símanum. Það er gott fyrir neytendur að vita, að Halldór Ásgrímsson er ekki að hugsa um neytendur, þegar einokunin verður einkavædd.
