Algengt er, að forsvarsmenn mengunar hér á landi komi fram af eindregnum brotavilja. Þannig heldur sveitarstjóri Kirkjubæjarklausturs áfram að ausa díoxíni yfir skólabörn og Klausturbleikju. Eygló Kristjánsdóttir tekur ekki mark á mælingum, sem sýna mengun tífalt yfir mörkum. Heimtar með ýmsum undanbrögðum að fá að bíða nýrra mælinga. Svipaða sögu er að segja af Becromal við Akureyri, sem losar margfalt leyfilegt magn af vítissóda út í sjó við Krossanes. Þótt mælingar sýni mengunina, fer Gauti Hallsson fram á nánari útlistun á, hvort mengunin sé raunveruleg. Eindreginn brotavilji.