Svava Johansen bættist í dag í hóp víkinga sem segja: Ég er fífl. Við höfum áður séð ýmis tilbrigði af þessari meginvörn þeirra. Steingrímur Wernersson sagði: Kalli bróðir plataði mig. Björn Leifsson í World Class sagði: Bankinn plataði mig. Svava segir það sama í Fréttablaðinu: “Sér eftir að hafa tekið ráðleggingum bankamanna, sem hún hafi ekki skilið”. Á íslenzku þýðir þetta: Ég er fífl. Forstjóri veltir milljörðum króna á hverju ári, skilur samt ekki leiðbeiningar og lætur plata sig. Eins og Björn Leifsson. Skil ekki, hvers vegna gjaldþrota rekstur slíkra bjána er ekki seldur öðrum. Hæstbjóðanda.