Nýja íhaldið hefur tapað stríðinu innan ríkisstjórnar Bandaríkjanna. Dick Cheney varaforseti er ekki lengur í innsta valdahring. Condoleezza Rice utanríkisráðherra hefur skipt um grundvallarskoðanir. Hún er nú fylgjandi viðræðum við stjórn Írans, sem áður þóttu öldungis óhugsandi. Hún opnar sendiráð í Íran í fyrsta skipti í þrjá áratugi. “Enn ein U-beygjan” kveinar John Bolton, helzti talsmaður nýja íhaldsins. Síðustu mánuðir ríkisstjórnar George W. Bush markast af tilraunum til að tengjast aftur veruleikanum. Markmiðið er, að fólki þori að kjósa John McCain þrátt fyrir allt.
