Þorgerður Katrín Gunnarsdóttir lætur okkur skattgreiðendur borga fimm milljónir króna til að baða sig í handboltadýrð. Þetta kostuðu tvær ferðir hennar ásamt fylgdarliði til Peking til að komast í mynd. Þorgerði fannst brýnt, að fleiri en Ólafur kóngur og Dorrit prinsessa fengju að komast í mynd. Þorgerður hefur til viðbótar skipulagt sigurhátíð á Laugaveginum fyrir sig og Hönnu Birnu Kristjánsdóttur borgarstjóra. Valdhafar vilja græða á afrekum annarra, en Þorgerður gengur óvenju langt. Hún er óspör á fé annarra, eins og gjarnt er um helztu höfðingja Sjálfstæðisflokksins.
