Björn Ingi Hrafnsson útrásarvíkingur misskilur afleiðingar blogg-loganna um ásakanir Sigurbjargar Sigurgeirsdóttur á hendur ónafngreindum ráðherra. Niðurstaðan var ekki dauðaþögn bloggsins, þegar rétti ráðherrann fannst. Útkoman var óvænt nafn Ingibjargar Sólrúnar Gísladóttur. Eingöngu vegna ólátanna í bloggheimum fannst rétti ráðherrann. Bloggið píndi Ingibjörgu Don Vito Corleone fram í dagsljósið. Það var sigur bloggheima, ekki vandræðaleg útkoma þeirra. Bloggheimar höfðu ekki orðið sér til skammar, heldur unnið frækinn sigur. Þeir upplýstu, hver hefur sama orðaval og Don Vito Corleone.
