Vottun felst í, að þriðji aðili ábyrgist gagnvart kaupanda, að seljandi bjóði frambærilega vöru. Umhverfismerki votta, að vara eða þjónusta sé sjálfbær og uppfylli fleiri kröfur. Þekktasta vottun í sjávarútvegi er MSC. Norski sjávarútvegurinn var fyrst andvígur því merki, en hefur núna tekið það upp. Íslendingar sitja eftir á botninum, þótt raunar hafi Íslendingur fundið upp MSC. Í staðinn vill sjávarútvegurinn votta sjálfur einhliða, að vara sín sé í lagi. Slíkt er ekki vottun þriðja aðila, heldur bara spuni seljandans. Kaupendur munu ekki láta Einar Guðfinnsson hafa sig að fífli.
